BIRJA — oldindan belgilangan joy va muayan vaqtda, belgilangan qoidalar asosida birja savdolarini tashkil etuvchi yuridik shaxs.
BIRJA BITIMI — birja tomonidan ro'yxatga olingan, birja savdosining birjada qayd etilgan natijasi bo'yicha tuzilgan birja tovariga doir oldi-sotdo sgartnomasidir.
BIRJANING KOTIROVKALASH VARAG'I — dastlabki ko'zdan kechirishni talab etmaydigan, sifat ko'rsatkichlari o'zgarmasligi va birja bitimlari muntazam ravishda tuzilishi bilan tavsiflanadigan, birja savdolariga qo'yilgan muayyan tovarlar ro'yxati.
BIRJA TOVARI — belgilangan tartibda birja savdolariga qo'yilgan muayyan turdagi va sifatdagi tovar, shu jumladan hosila moliyaviy vositalardir (derivativlar). Er, er osti boyliklari, suv, boshqa tabiiy resurslar, madaniy meros va intellektual mulk ob'ektlari, ishlar va xizmatlar, xususiy belgili ashyolar, ko'chmas mulk, shuningdek qonun xujjatlariga muvofiq fuqarolik muomalasidan chiqarilgan mol-mulk birja tovari bo'lishi mumkin emas.
BIRJA SAVDOLARI — birja tomonidan birja savdosi qoidalariga muvofiq tashkil etiladigan birja tovari savdolaridir. Birja savdolari birjada birja a'zolarining barchasiga ushbu savdolarda bir vaqtda ishtirok etish imkoniyati berilgan holda, markazlashtirilgan tarzda elektron shaklda o'tkaziladi.
BROKER — mijozning topshirig'iga ko'ra va uning hisobidan birja bitimlarini tuzuvchi birja a'zosi.
DILER — birja bitimlarini o'z nomidan va o'z hisobidan tuzuvchi birja a'zosi.
MARKET-MEYKER — birja tovarlari narxlarining, talab va taklifning darajasini saqlab turish uchun o'z zimmasiga birja bitimlarini tuzish majburiyatini olgan diler.
BIRJA A'ZOLARI — birja tomonidan belgilangan tartibda birja savdolarida ishtirok etish hamda dilerlar, market-meykerlar va brokerlar sifatida birja bitimlarini tuzish xuquqini olgan yuridik shaxslar.